Datganiad Hygyrchedd ar gyfer Talu Dirwy DVLA

Mae’r datganiad hygyrchedd hwn yn berthnasol i’r gwasanaeth talu dirwy’r DVLA. (https://www.gov.uk/talu-dirwy-dvla)

Rheolir y wefan hon gan yr Asiantaeth Trwyddedu Gyrwyr a Cherbydau (DVLA). Rydym am i gynifer o bobl â phosibl allu defnyddio’r wefan hon. Er enghraifft, mae hynny’n golygu y dylech fod yn gallu:

• newid lliwiau, lefelau cyferbynnedd a ffontiau
• chwyddo hyd at 300% heb i’r testun gael ei wthio oddi ar ymyl y sgrin
• llywio’r rhan fwyaf o’r wefan gan ddefnyddio bysellfwrdd neu feddalwedd adnabod llais
• gwrando ar y rhan fwyaf o’r wefan gan ddefnyddio darllenydd sgrin (gan gynnwys y fersiynau diweddaraf o JAWS, NVDA a VoiceOver)

Rydym hefyd wedi gwneud testun y wefan mor syml â phosibl i’w deall.

Mae cyngor ar gael ar AbilityNet ynglŷn â gwneud eich dyfais yn haws i’w defnyddio os oes gennych anabledd.

Pa mor hygyrch yw’r wefan hon

Rydym yn gwybod nad yw rhai rhannau o’r wefan hon yn gwbl hygyrch oherwydd:

• nad yw rhai dolenni neidio’n ail-leoli’r ffocws i ddechrau’r prif gynnwys
• bod peth cynnwys wedi’i farcio’n anghywir, gyda’r canlyniad na chyhoeddir y wybodaeth i ddefnyddwyr darllenwyr sgrin
• methodd lliw’r dangosydd ffocws a ddefnyddiwyd trwy’r gwasanaeth i gyflawni’r gymhareb lliw ddisgwyliedig o 3:1

Adborth a gwybodaeth gyswllt

Os bydd angen gwybodaeth arnoch am y wefan hon mewn fformat gwahanol megis PDF hygyrch, print mawr, hawdd i’w ddarllen, recordio sain neu braille:

e-bostiwch ein tîm Cyfathrebu Allanol a byddwn yn gweld a allwn helpu, neu cysylltwch â’n Canolfan Gyswllt trwy:

• e-bost
• ffonio 0300 790 6802 (Cerbydau) neu 0300 790 6819 am y llinell uniongyrchol Gymraeg

Rhoi gwybod am broblemau hygyrchedd gyda’r wefan hon

Rydym bob amser yn ceisio gwella hygyrchedd y wefan hon. Os byddwch yn dod o hyd i unrhyw broblemau nad ydynt wedi’u rhestru ar y dudalen hon neu’n credu nad ydym yn bodloni gofynion hygyrchedd, cysylltwch â:

• Gwasanaethau Cerbydau – vehicleservices@dvla.gov.uk

Gweithdrefn gorfodi

Mae’r Comisiwn Cydraddoldeb a Hawliau Dynol (EHRC) yn gyfrifol am orfodi Rheoliadau Hygyrchedd Cyrff Sector Cyhoeddus (Gwefannau ac Apiau ar gyfer Dyfeisiau Symudol) (Rhif 2) 2018 (y ‘rheoliadau hygyrchedd’) Os nad ydych yn hapus â sut rydym yn ymateb i’ch cwyn, cysylltwch â’r Gwasanaeth Cynghori a Chymorth Cydraddoldeb (EASS).

Gwybodaeth dechnegol am hygyrchedd y wefan hon

Mae’r DVLA wedi ymrwymo i wneud ei gwefan yn hygyrch, yn unol â Rheoliadau Hygyrchedd Cyrff Sector Cyhoeddus (Gwefannau ac Apiau ar gyfer Dyfeisiau Symudol) (Rhif 2) 2018.

Statws cydymffurfio

1. Mae’r wefan hon yn cydymffurfio’n rhannol â safon AA Canllawiau Hygyrchedd Cynnwys Gwe fersiwn 2.1 oherwydd y diffyg cydymffurfio a restrir isod.

Cynnwys nad yw’n hygyrch

Nid yw’r cynnwys a restrir isod yn hygyrch am y rhesymau canlynol.

Diffyg cydymffurfio â’r rheoliadau hygyrchedd

Nid yw rhai dolenni neidio’n ail-leoli’r ffocws. Mae hyn yn methu meini prawf llwyddiant WCAG 2.1, 2.4.1 (Osgoi Blociau).

Mae peth cynnwys wedi’i farcio’n anghywir. Mae hyn yn methu meini prawf llwyddiant WCAG 2.1, 1.3.1 (Gwybodaeth a Pherthnasoedd).

Methodd lliw’r dangosydd ffocws a ddefnyddiwyd trwy’r gwasanaeth i gyflawni’r gymhareb lliw ddisgwyliedig o 3:1 Mae hyn yn methu meini prawf llwyddiant WCAG 2.1, 1.4.11 Cyferbynnedd nad yw’n Ymwneud â Thestun

Rydym yn cynllunio mynd i’r afael â’r materion uchod erbyn 2021. Pan fyddwn yn cyhoeddi cynnwys newydd, byddwn yn sicrhau ei fod yn bodloni safonau hygyrchedd.

Baich anghymesur

Ddim yn gymwys

Cynnwys nad yw o fewn cwmpas y rheoliadau hygyrchedd

• cyflwynir rhai penawdau mewn trefn afresymegol
• nid oes pwrpas disgrifiadol clir gan rai dolenni
• gall rhai delweddau achosi problemau i ddarllenwyr sgrin
• gall trin rhai gwallau fod yn broblem i ddarllenwyr sgrin
• gall rhai elfennau gosod maes fod yn broblem i ddarllenwyr sgrin
• nid yw rhai teitlau tudalennau yn dilyn y fformat safonol sy’n ofynnol ar gyfer Gwasanaethau Digidol y Llywodraeth
• nid yw cynllun tudalen manylion y cerdyn Talu yn dilyn canllawiau GDS
• Rhwystrir Dragon Speech Recognition rhag gallu arddweud i mewn i elfennau ffurflen
• gall allweddi mynediad achosi dryswch i ddefnyddwyr darllenwyr sgrin
• gall defnyddwyr golwg gwan ei chael hi’n anodd penderfynu bod newid pwyntydd wedi digwydd ar gyfer elfennau y gellir eu sbarduno
• ar gyfer defnyddwyr bysellfwrdd yn unig, ar y dudalen talu, methodd y ddolen ‘Ble i ddod o hyd i hyn’

PDFau a dogfennau eraill

Darperir y wybodaeth hon yn ein polisi dogfennau hygyrchedd

Fideo byw

Nid ydym yn cynllunio ychwanegu capsiynau i ffrydiau fideo byw oherwydd bod fideo byw wedi’i eithrio o gwrdd â’r rheoliadau hygyrchedd.

Yr hyn rydym yn ei wneud i wella hygyrchedd

Mae DVLA yn gweithio i wella hygyrchedd ei holl wasanaethau. Diweddarir ein gwasanaethau mwy newydd i sicrhau eu bod yn cydymffurfio â safonau Hygyrchedd yn ystod 2020 a 2021. Adolygir ein gwasanaethau ar-lein i yrwyr ar hyn o bryd gyda’r nod i’w disodli gyda gwasanaethau mwy hygyrch symlach yn ystod y ddwy flynedd nesaf.

Paratoi’r datganiad hygyrchedd hwn

Paratowyd y datganiad hwn ar 01 Mawrth 2021. Cafodd ei adolygu ddiwethaf ar 03 Rhagfyr 2020.

Cafodd y wefan hon ei phrofi ddiwethaf ar 03 Tachwedd 2020. Cafodd y prawf hwn ei gwblhau gan Ganolfan Hygyrchedd Digidol DAC.

Defnyddiom y dull hwn i benderfynu ar sampl o dudalennau i brofi pedair taith cwsmer gan gynnwys trafodion llwyddiannus gyda a heb dalu ôl-ddyledion treth cerbydau a thrin gwallau gyda a heb daliad.